Կոնքի խոռոչի քրոնիկ ցավի համախտանիշ. armeniamedicalcenter.am

Կոնքի խոռոչի քրոնիկ ցավի համախտանիշը (ԿՔՑՀ) բավականին տարածված ախտաբանություն է, որն ավելի հաճախ հանդիպում է տղամարդկանց մոտ՝ կապված քրոնիկ պրոստատիտի հետ:

Պատճառները

ԿՔՑՀ համարվում է 3 ամսից ավելի տևող կոնքի շրջանի տարբեր ինտենսիվության ցավը՝ հաճախացած, ցավոտ միզարձակմամբ, սեռական ոլորտի խնդիրներով: Բացակայում է որևէ ինֆեկցիոն գործընթաց:

Իրական պատճառները դեռևս պարզված չեն, սակայն ենթադրվում է, որ այստեղ դեր են խաղում օրգանիզմի տարբեր համակարգերի կողմից խանգարումները.

• իմունային,
• նյարդային,
• ներզատական։
  
  

Պաթոգենեզ

Ախտաբանությանը կարող են նպաստել հետևյալ գործոնները.

• կենտրոնական սենսիբիլիզացիա,
• սենսոր (զգացողական) ուղիների գործունեության խանգարում՝ վայրէջ տիպի,
• ներզատական ազդեցություն,
• հոգեբանական ազդեցություն,
• գենետիկ խնդիր,
• միոֆասցիալ լավածության ազդեցություն։
  
  

Շագանակագեղձի բորբոքումների դասակարգումը.
 

• սուր կամ քրոնիկ ախտաբանություն՝ բակտերիալ բնույթի, հիմքում ուրոպաթոգեն վարակն է․ այս տիպի պրոստատիտը հեշտ է ենթարկվում անտիբակտերիալ բուժման,
• ոչ բակտերիալ բնույթի բորբոքում, քրոնիկ ախտաբանություն (3 տիպ). բարորակ վիճակ է, արտահայտվում է քրոնիկ նոպայաձև ցավերով, որոնք շարունակվում են 3 ամսից ավելի,
• բորբոքային խնդիր՝ առանց ուղեկցող ախտանշանների (4 տիպ):
  
  

Տղամարդկանց քրոնիկ կոնքային ցավերի և քրոնիկ պրոստատիտի համախտանիշի պատճառները դեռևս պարզված չեն:

Ախտորոշում

Անամնեզ, զննում և հետազոտություններ.
   

• ՈՒՁՀ,
• ուրետրոգրաֆիա՝ ռետրոգրադ տիպի,
• ՄՌՏ,
• կենսաբանական նմուշի հետազոտություն՝ վարակը ժխտելու նպատակով,
• ցիստոսկոպիա,
• դոպլերոգրաֆիա,
• ուրոֆլոումետրիա։
  
  

Այս հետազոտություններն օգնում են գնահատել կոնքի օրգանների վիճակը, հայտնաբերել ուղեկցող ախտաբանությունները:

Բուժումը

Կոնքի շրջանի քրոնիկ ցավի թերապիան տղամարդկանց մոտ հիմնականում կոնսերվատիվ է: Զուգակցվում են դեղորայքը, ֆիզիոթերապիան և հոգեթերապիան:

Դեղորայքից օգտագործվում են տարբեր զուգակցումներ հետևյալ խմբերից.
   

• հակաբիոտիկներ,
• հորմոններ,
• հակասնկային պատրաստուկներ,
• ալֆա-ադրենոբլոկատորներ,
• ոչ ստերոիդ հակաբրբոքիչներ,
• անգիոպրոտեկտորներ,
• հակաօքսիդանտներ,
• դեզագրեգատներ,
• միոռելաքսանտներ,
• վիտամիններ,
• նեյրոպրոտեկտորներ։
  
  

Եթե բուժող բժիշկը, ի վերջո, դիմում է վիրահատական միջամտության, ապա իրականացվում են.

• պրոստատի տրանսուրետրալ տիպի ռեզեկցիա,
• ռադիկալ պրոստատէկտոմիա։
  
  

Կանխարգելում

• Հետևել առողջ ապրելակերպի։
• Վարել կանոնավոր սեռական կյանք, խուսափել պատահական կապերից։
• Ախտաբանական խնդիրների դեպքում ժամանակին դիմել բժշկի։

Հարցեր, պատասխաններ, մեկնաբանություններ